Madridning «Real» klubi hujumchisi Kilian Mbappe Ispaniya chempionati doirasidagi «Betis»ga qarshi uchrashuvda jarohat oldi.
Bahs 1:1 hisobida yakunlandi. Fransiyalik futbolchi mushaklarida noqulaylik sezganidan so‘ng 80-daqiqada almashtirildi.
Madridliklar bosh murabbiyi Alvaro Arbeloa vaziyatga izoh berdi:
«Mbappe o‘zini noqulay his qilayotganini aytdi, shuning uchun biz uni almashtirishga qaror qildik. Uning holati qanday ekanini ko‘ramiz», — dedi mutaxassis.
Klubda jarohat jiddiy bo‘lmasligiga umid qilinmoqda, ammo chempionatdagi vaziyat “qaymoqranglilar” uchun hamon murakkabligicha qolmoqda. Ochko yo‘qotilganidan keyin, agar «Barselona» navbatdagi uchrashuvida g‘alaba qozonsa, madridliklarning peshqadamdan ortda qolishi 11 ochkogacha oshishi mumkin.













