Braziliya prezidenti Luis Inasiu Lula da Silva Portugaliya bosh vaziri Luish Montenegru bilan uchrashuv chog‘ida milliy terma jamoaning 2026 yilgi jahon chempionatidagi ishtirokidan kutilayotgan umidlari bilan o‘rtoqlashdi.
«Bu yil juda muhim, chunki bu — jahon chempionati yili. Bu menga 1966 yilgi turnirni eslatdi: o‘shanda Portugaliyada afsonaviy Eysebiu, Braziliyada esa Pele boshchiligidagi bir nechta afsonaviy futbolchilar bor edi va Portugaliya Braziliyani turnirdan chiqarib yuborishga muvaffaq bo‘lgandi.
Umid qilamanki, 2026 yilda AQSHda Portugaliya mamlakatlarimiz o‘rtasidagi garmoniyani saqlash yo‘lini hisobga oladi va Krishtianu Ronaldu hamda uning jamoasi Vinisius Junior va Braziliya terma jamoasini mag‘lub etishga harakat qilmaydi», — dedi Lula da Silva.
