Бразилия президенти Луис Инасиу Лула да Силва Португалия бош вазири Луиш Монтенегру билан учрашув чоғида миллий терма жамоанинг 2026 йилги жаҳон чемпионатидаги иштирокидан кутилаётган умидлари билан ўртоқлашди.
«Бу йил жуда муҳим, чунки бу — жаҳон чемпионати йили. Бу менга 1966 йилги турнирни эслатди: ўшанда Португалияда афсонавий Эйсебиу, Бразилияда эса Пеле бошчилигидаги бир нечта афсонавий футболчилар бор эди ва Португалия Бразилияни турнирдан чиқариб юборишга муваффақ бўлганди.
Умид қиламанки, 2026 йилда АҚШда Португалия мамлакатларимиз ўртасидаги гармонияни сақлаш йўлини ҳисобга олади ва Криштиану Роналду ҳамда унинг жамоаси Винисиус Жуниор ва Бразилия терма жамоасини мағлуб этишга ҳаракат қилмайди», — деди Лула да Силва.
