«Chelsi»ning argentinalik yarim himoyachisi Enso Fernandes faoliyatini qaysi klubda davom ettirishi borasida bir qarorga keldi. El Nacional nashriga ma’lum bo‘lishicha, xavbek Madridning «Real» klubidan boshqa hech qaysi jamoaga o‘tmaslikka qaror qilgan.

Avvalroq Ensoni «Manchester Siti» o‘z safiga qo‘shib olmoqchi ekanligi haqida ma’lumotlar paydo bo‘lgan edi. Biroq, futbolchi faqat Madridga ko‘chib o‘tish niyatida ekani va bu transferni shu yozdayoq amalga oshirishni istayotgani ta’kidlanmoqda.

Joriy mavsumda Enso Fernandes barcha turnirlarni hisobga olganda 48 ta o‘yinda maydonga tushib, 12 ta gol urdi va 6 ta golli uzatmani o‘z hisobiga yozdirib qo‘ydi. Hozirgi vaqtda 25 yoshli o‘yinchining bozor qiymati Transfermarkt ma’lumotlariga ko‘ra 90 million yevroni tashkil etmoqda.