«Челси»нинг аргентиналик ярим ҳимоячиси Энцо Фернандес фаолиятини қайси клубда давом эттириши борасида бир қарорга келди. El Nacional нашрига маълум бўлишича, хавбек Мадриднинг «Реал» клубидан бошқа ҳеч қайси жамоага ўтмасликка қарор қилган.

Аввалроқ Энцони «Манчестер Сити» ўз сафига қўшиб олмоқчи эканлиги ҳақида маълумотлар пайдо бўлган эди. Бироқ, футболчи фақат Мадридга кўчиб ўтиш ниятида экани ва бу трансферни шу ёздаёқ амалга оширишни истаётгани таъкидланмоқда.

Жорий мавсумда Энцо Фернандес барча турнирларни ҳисобга олганда 48 та ўйинда майдонга тушиб, 12 та гол урди ва 6 та голли узатмани ўз ҳисобига ёздириб қўйди. Ҳозирги вақтда 25 ёшли ўйинчининг бозор қиймати Transfermarkt маълумотларига кўра 90 миллион еврони ташкил этмоқда.