«Real»ning braziliyalik himoyachisi Eder Militaoning jarohati haqida yangi tafsilotlar paydo bo‘ldi.
Jurnalist Rodraning so‘zlariga ko‘ra, dekabr oyida Militao jarohat olganidan so‘ng, unga jarrohlik amaliyoti zarur edi. Biroq, himoyachi uzoq muddatga safdan chiqmasligi uchun konservativ davolanish (operasiyasiz) foydasiga qaror qabul qilingan. Xavf shunda ediki, istalgan lahzada jarohat qaytalanishi yoki og‘irlashishi mumkin edi va aynan hozir shunday bo‘ldi.
Avvalroq, braziliyalik futbolchi operasiya qilinishi sababli 2026 yilgi Jahon chempionatini o‘tkazib yuborishi haqida xabar berilgan edi.
Ushbu mavsumda Militao barcha turnirlarda 21 ta o‘yinda ishtirok etib, ikkita gol va bitta golli uzatmani amalga oshirdi.













