«Реал»нинг бразилиялик ҳимоячиси Эдер Милитаонинг жароҳати ҳақида янги тафсилотлар пайдо бўлди.
Журналист Родранинг сўзларига кўра, декабрь ойида Милитао жароҳат олганидан сўнг, унга жарроҳлик амалиёти зарур эди. Бироқ, ҳимоячи узоқ муддатга сафдан чиқмаслиги учун консерватив даволаниш (операциясиз) фойдасига қарор қабул қилинган. Хавф шунда эдики, исталган лаҳзада жароҳат қайталаниши ёки оғирлашиши мумкин эди ва айнан ҳозир шундай бўлди.
Аввалроқ, бразилиялик футболчи операция қилиниши сабабли 2026 йилги Жаҳон чемпионатини ўтказиб юбориши ҳақида хабар берилган эди.
Ушбу мавсумда Милитао барча турнирларда 21 та ўйинда иштирок этиб, иккита гол ва битта голли узатмани амалга оширди.
