«Barselona»ni boshqarayotgan germaniyalik mutaxassis Xans-Diter Flik «ko‘k-anorranglilar»ning natijalari hakamlarning qarorlariga bog‘liq bo‘lib qolmasligi kerak deb hisoblaydi.

«Har bir o‘yinda biz hakamlarning qarorlariga qaram bo‘lib qolmaslik uchun yaxshiroq va 100 foiz kuch bilan harakat qilishimiz kerak. Men aynan shuni nazarda tutyapman. Ularning ishi oson emas. Biz bor e’tiborimizni o‘zimizga qaratishimiz lozim», — deya murabbiyning so‘zlarini keltiradi AS nashri.

Bugun, 25 aprel kuni Kataloniya klubi safarda «Xetafe»ga qarshi bahs olib boradi. O‘yin Toshkent vaqti bilan soat 19:15 da boshlanadi.