«Барселона»ни бошқараётган германиялик мутахассис Ханс-Дитер Флик «кўк-анорранглилар»нинг натижалари ҳакамларнинг қарорларига боғлиқ бўлиб қолмаслиги керак деб ҳисоблайди.
«Ҳар бир ўйинда биз ҳакамларнинг қарорларига қарам бўлиб қолмаслик учун яхшироқ ва 100 фоиз куч билан ҳаракат қилишимиз керак. Мен айнан шуни назарда тутяпман. Уларнинг иши осон эмас. Биз бор эътиборимизни ўзимизга қаратишимиз лозим», — дея мураббийнинг сўзларини келтиради AS нашри.
Бугун, 25 апрель куни Каталония клуби сафарда «Хетафе»га қарши баҳс олиб боради. Ўйин Тошкент вақти билан соат 19:15 да бошланади.
