Angliya Premyer-ligasining 34-turidan o‘rin olgan «Kristal Pelas»ga qarshi bahsda «Liverpul» jamoasi jiddiy yo‘qotishga uchradi.

Uchrashuvning 58-daqiqasida mersisaydliklar hujumchisi Muhammad Saloh son sohasidagi og‘riq tufayli maydonga yiqildi. Misrlik futbolchi o‘yinni davom ettira olmasligi ma’lum bo‘lgach, murabbiylar shtabi uni zaxiraga olishga qaror qildi. Salohning o‘rniga maydonga Jeremi Frimpong tushdi.

Hozircha jarohatning qanchalik jiddiy ekani va futbolchining safdan chiqish muddati borasida rasmiy ma’lumot berilmadi.