«Brayton» yarim himoyachisi Karlos Baleba bo‘lajak transfer oynasida «Manchester Yunayted»ga o‘tishi mumkin. «Qizil iblislar» kamerunlik futbolchini bir necha yildan beri kuzatib kelishmoqda.
Iste’dodli xavbek bilan og‘zaki kelishuvga o‘tgan yozdayoq erishilgan edi, biroq o‘shanda «chaykalar» futbolchini qo‘yib yuborishni qat’iyan rad etishgan. Jurnalist Nikolo Skiraning ma’lumotlariga ko‘ra, endi «Brayton» Balebani sotishga tayyor — «Manchester Yunayted» esa allaqachon taklif tayyorlamoqda. 22 yoshli futbolchiga, shuningdek, «Chelsi» ham qiziqish bildirmoqda.
Transfermarkt portali Karlos Balebaning narxini 55 million yevroga baholagan. Joriy mavsumda tayanch yarim himoyachisi 31 ta o‘yinda maydonga tushdi, biroq samarali harakatlarni amalga oshirmadi.
