Dortmundning «Borussiya» klubi laterali Yulian Ryuersonda Angliya Premyer-ligasiga o‘tish varianti paydo bo‘ldi. Bu haqda insayder Ekrem Konur xabar bermoqda.

Jurnalistning ma’lumotlariga ko‘ra, «qizil iblislar» rahbariyati yozgi transfer oynasida «asalarilar»ga rasmiy taklif bilan chiqishga tayyorlanmoqda. Ehtimoliy kelishuv summasi 35–40 million yevroga baholanmoqda. Agar futbolchi «Old Trafford»ga ko‘chib o‘tsa, uning maoshi kamida ikki baravarga oshadi. Hozirda u yiliga 5 million yevro maosh olmoqda.

Joriy mavsumda Ryuerson 38 ta uchrashuvda maydonga tushdi. Himoyachi o‘z hisobiga 15 ta golli uzatmani yozdirib qo‘ygan. Uning «Borussiya» bilan shartnomasi 2028 yilning yoziga qadar mo‘ljallangan.