Italiyaning «Roma» klubi ispaniyalik qanot hujumchisi Brayan Saragosaning transfer huquqini sotib olmaydigan bo‘ldi. Bu haqda taniqli insayder Fabrisio Romano xabar bermoqda.

Ma’lum bo‘lishicha, 24 yoshli futbolchi joriy mavsum yakunlanganidan so‘ng Myunxenning «Bavariya» klubiga qaytadi. «Roma» Saragosani shu yilning fevral oyida ijaraga olgan edi. Biroq o‘tgan vaqt davomida futbolchi Rim klubi asosiy tarkibidan muqim joy egallay olmadi. U jami 6 ta uchrashuvda maydonga tushib, bor-yo‘g‘i bitta golli uzatmani amalga oshirdi, xolos.

Ma’lumot uchun, vingerning «Bavariya» bilan amaldagi shartnomasi 2029 yilga qadar mo‘ljallangan. Transfermarkt portali futbolchining bozor qiymatini 10 million yevroga baholamoqda.