Superliganing 10-turida Muborakning “Mash’al” jamoasi Buxoroning “Buxoro” jamoasiga qarshi maydonga tushadi.
G‘uzorda bo‘lib o‘tadigan “Mash’al” – “Buxoro” uchrashuvini Shavkat Nasibullayev boshqarib boradi. Unga qanotlarda Amir Galeev va Daniil Yasenko yordam beradi. Zahira hakami — Muhammadali Baxtiyorov. Hakamlar nazoratchisi — Zokir Qodirov. Uchrashuv komissari — Shohruh Said.
O‘zaro o‘yinlar
“Mash’al” va “Buxoro” shu kungacha Superligada 36 marta to‘qnash kelgan. Ularning 17 tasida “Mash’al”, 7 bor “Buxoro” yutuqqa erishgan. 12 o‘yin durang bilan yakunlangan.
Muborakliklar raqib darvozasini 54 bor ishg‘ol qilgan bo‘lsalar, buxoroliklar esa 35 gol urgan.
“Mash’al”ning o‘zaro o‘yinlarda qozongan eng yirik g‘alabasi — 4:0. “Buxoro”da ham bu ko‘rsatkich 4:0 bo‘lib turibdi.
