«Manchester Yunayted» vaqtinchalik bosh murabbiyi Maykl Kerrik jamoa xo‘jayini ser Jim Retkliff bilan bo‘lib o‘tgan uchrashuv haqida gapirib berdi.
Uchrashuv mankunianliklarning Kerringtondagi mashg‘ulot bazasida bo‘lib o‘tgan.
«Men ser Jim Retkliff bilan Kerringtonda ko‘rishdim. Biz biroz suhbatlashdik, bir finjon choy ustida gaplashdik. Uning o‘z qo‘llab-quvvatlovini izhor qilganini ko‘rish juda yoqimli bo‘ldi.
Futbol klubi sifatida biz bir-birimiz bilan juda bog‘langanmiz va bu muhim ahamiyatga ega. Men vaziyat aynan shunday bo‘lishi kerakligini juda yaxshi anglayman», — deya Kerrikning so‘zlarini keltiradi ingliz matbuoti.
