AQSH prezidenti Donald Trampning maxsus vakili Paolo Dzampolli Italiya terma jamoasining JCH-2026da ishtirok etish ehtimolini baholadi.

Avvalroq Dzampolli Eron terma jamoasini Italiyaga almashtirish taklifi bilan chiqqan edi. AQSH va Isroil bilan bo‘layotgan urush sababli, Eronning turnirdagi ishtiroki borasida mavhumlik saqlanib qolmoqda.

«Italiyaning Jahon chempionatida ishtirok etish ehtimoli qanday? Menimcha, 50 foizdan yuqori. Shu dam olish kunlari Mayamida, «Formula-1» Gran-prisida Infantino (FIFA prezidenti) bilan uchrashaman.

Jahon chempionati Italiyasiz o‘tmasligi kerak, qarorni Infantino va Tramp qabul qiladi. Urush sababli Eronning ishtiroki hali tasdiqlanmaganini ko‘rdim va Infantinodan Italiyaning qatnashish imkoniyati haqida so‘radim.

Bundan tashqari, viza olish juda qiyin va biz noqonuniy xatti-harakatlar sodir etishi mumkin bo‘lgan odamlarni ko‘rishni istamaymiz. Agar siz Qo‘shma Shtatlarda kutilmagan odamlarni yuborayotgan bo‘lsangiz, ularning kelmagani ma’qul. Men Tramp bilan to‘g‘ridan-to‘g‘ri gaplashganim yo‘q, lekin u o‘z fikrini o‘zgartirmagan.

Eronlik futbolchilar juda, juda qadrlanadi, ammo vazir Rubio ular Qo‘shma Shtatlar ko‘rishni istamagan odamlarni olib kelolmasligini aniq aytdi. Agar Eron ishtirok etmasa, kimnidir yuborishga tayyormizmi-yo‘qmi bilmayman, lekin har qanday narsa sodir bo‘lishi mumkin», — dedi Dzampolli.