Xvicha Kvarasxeliya Chempionlar Ligasining joriy mavsumida samarali harakatlar amalga oshirish bo‘yicha yakka holda ikkinchi o‘ringa ko‘tarilib oldi.

«PSJ» vingeri yarim finalning dastlabki uchrashuvi 24-daqiqasida «Bavariya» darvozasining pastki o‘ng burchagiga aniq zarba yo‘lladi. 56-daqiqada esa u dubl muallifiga aylandi.

Gruziyalik futbolchi hisobida turnir doirasida 10 ta gol va 5 ta golli uzatma mavjud. «Gol+pas» tizimi bo‘yicha jamg‘arilgan umumiy ochkolar soniga ko‘ra, u faqatgina «Real» hujumchisi Kilian Mbappedan (16 ochko) ortda qolmoqda.