Хвича Кварацхелия Чемпионлар Лигасининг жорий мавсумида самарали ҳаракатлар амалга ошириш бўйича якка ҳолда иккинчи ўринга кўтарилиб олди.

«ПСЖ» вингери ярим финалнинг дастлабки учрашуви 24-дақиқасида «Бавария» дарвозасининг пастки ўнг бурчагига аниқ зарба йўллади. 56-дақиқада эса у дубль муаллифига айланди.

Грузиялик футболчи ҳисобида турнир доирасида 10 та гол ва 5 та голли узатма мавжуд. «Гол+пас» тизими бўйича жамғарилган умумий очколар сонига кўра, у фақатгина «Реал» ҳужумчиси Килиан Мбаппедан (16 очко) ортда қолмоқда.