«PSJ» bosh murabbiyi Luis Enrike Chempionlar Ligasi yarim finalining dastlabki o‘yinida «Bavariya» ustidan qozonilgan 5:4 hisobidagi g‘alabadan so‘ng jamoadagi muammolar haqida to‘xtalib o‘tdi. Parijliklar va myunxenliklar yarim final bosqichidagi bitta o‘yinda ikkala jamoa birgalikda urgan gollar soni bo‘yicha Chempionlar Ligasi rekordini o‘rnatishdi.
«Biz o‘yinni tahlil qilishimiz kerak. Albatta, ayrim jihatlar bo‘yicha hali qilinadigan ishlar ko‘p. Bunday yuqori individual mahoratga ega bo‘lgan jamoaga qarshi turish juda qiyin. Biz to‘rtta gol o‘tkazib yubordik — demak, yaxshilanishi kerak bo‘lgan narsalar talaygina. Hozir kuch yig‘ib olishimiz lozim, keyin esa chempionat haqida o‘ylaymiz va yana e’tiborimizni «Bavariya»ga qaratamiz», — deya Enrikening so‘zlarini keltiradi UYEFA.
Myunxendagi javob uchrashuvi 6 may kuni bo‘lib o‘tadi.
