«ПСЖ» бош мураббийи Луис Энрике Чемпионлар Лигаси ярим финалининг дастлабки ўйинида «Бавария» устидан қозонилган 5:4 ҳисобидаги ғалабадан сўнг жамоадаги муаммолар ҳақида тўхталиб ўтди. Парижликлар ва мюнхенликлар ярим финал босқичидаги битта ўйинда иккала жамоа биргаликда урган голлар сони бўйича Чемпионлар Лигаси рекордини ўрнатишди.

«Биз ўйинни таҳлил қилишимиз керак. Албатта, айрим жиҳатлар бўйича ҳали қилинадиган ишлар кўп. Бундай юқори индивидуал маҳоратга эга бўлган жамоага қарши туриш жуда қийин. Биз тўртта гол ўтказиб юбордик — демак, яхшиланиши керак бўлган нарсалар талайгина. Ҳозир куч йиғиб олишимиз лозим, кейин эса чемпионат ҳақида ўйлаймиз ва яна эътиборимизни «Бавария»га қаратамиз», — дея Энрикенинг сўзларини келтиради УЕФА.

Мюнхендаги жавоб учрашуви 6 май куни бўлиб ўтади.