Fransiyaning «PSJ» klubi safida to‘p suruvchi qanot himoyachisi Ashraf Hakimiy UYEFA Chempionlar Ligasi yarim finali doirasida Myunxenning «Bavariya» jamoasiga qarshi kechgan ilk o‘yindan so‘ng qisqacha fikr bildirdi. Luis Enrike shogirdlari ushbu bahsda 5:4 hisobida g‘alaba qozonishdi.
«Ish hali yakunlangani yo‘q», — deb yozib qoldirdi marokashlik lateral ijtimoiy tarmoqlardagi o‘z sahifasida.
«Bavariya» va «PSJ» o‘rtasidagi javob uchrashuvi 6 may kuni Myunxendagi stadionda bo‘lib o‘tadi. Ushbu qarama-qarshilik g‘olibi nufuzli turnirning finaliga yo‘llanma oladi.
Chempionlar Ligasining ikkinchi yarim final juftligida Madridning «Atletiko» va Londonning «Arsenal» jamoalari kuch sinashadi. Ushbu jamoalar o‘rtasidagi dastlabki o‘yin bugun, 29 aprel kuni bo‘lib o‘tadi.













