Франциянинг «ПСЖ» клуби сафида тўп сурувчи қанот ҳимоячиси Ашраф Ҳакимий УЕФА Чемпионлар Лигаси ярим финали доирасида Мюнхеннинг «Бавария» жамоасига қарши кечган илк ўйиндан сўнг қисқача фикр билдирди. Луис Энрике шогирдлари ушбу баҳсда 5:4 ҳисобида ғалаба қозонишди.

«Иш ҳали якунлангани йўқ», — деб ёзиб қолдирди марокашлик латераль ижтимоий тармоқлардаги ўз саҳифасида.

«Бавария» ва «ПСЖ» ўртасидаги жавоб учрашуви 6 май куни Мюнхендаги стадионда бўлиб ўтади. Ушбу қарама-қаршилик ғолиби нуфузли турнирнинг финалига йўлланма олади.

Чемпионлар Лигасининг иккинчи ярим финал жуфтлигида Мадриднинг «Атлетико» ва Лондоннинг «Арсенал» жамоалари куч синашади. Ушбу жамоалар ўртасидаги дастлабки ўйин бугун, 29 апрель куни бўлиб ўтади.