Angliyalik sobiq to‘purar Ueyn Runi Myunxenning «Bavariya» klubiga nisbatan hurmati balandligini bildirdi. Uning so‘zlariga ko‘ra, myunxenliklar Chempionlar Ligasi yarim finalida «PSJ»ga qarshi o‘yinda farqni minimal darajaga keltirib, haqiqiy xarakter namoyish etishgan.
«Bavariya» shubhasiz o‘z xarakterini ko‘rsatdi. Hisob 2:5 bo‘lib turgan vaqtda, agar ular javoban bitta gol urishsa ham, bu yaxshi natija bo‘lishini aytgandim. Ular esa naq ikkita gol urishdi va bu meni hayratda qoldirdi», — deya Runining so‘zlarini keltiradi BBC Sport.
Javob uchrashuvi bir haftadan keyin Myunxenda bo‘lib o‘tadi. Yarim finalning ikkinchi juftligida Angliyaning «Arsenal» va Ispaniyaning «Atletiko» jamoalari to‘qnash kelishadi. Ular bugun oqshom o‘z o‘yinlarini o‘tkazishadi.
