Англиялик собиқ тўпурар Уэйн Руни Мюнхеннинг «Бавария» клубига нисбатан ҳурмати баландлигини билдирди. Унинг сўзларига кўра, мюнхенликлар Чемпионлар Лигаси ярим финалида «ПСЖ»га қарши ўйинда фарқни минимал даражага келтириб, ҳақиқий характер намойиш этишган.
«Бавария» шубҳасиз ўз характерини кўрсатди. Ҳисоб 2:5 бўлиб турган вақтда, агар улар жавобан битта гол уришса ҳам, бу яхши натижа бўлишини айтгандим. Улар эса нақ иккита гол уришди ва бу мени ҳайратда қолдирди», — дея Рунининг сўзларини келтиради BBC Sport.
Жавоб учрашуви бир ҳафтадан кейин Мюнхенда бўлиб ўтади. Ярим финалнинг иккинчи жуфтлигида Англиянинг «Арсенал» ва Испаниянинг «Атлетико» жамоалари тўқнаш келишади. Улар бугун оқшом ўз ўйинларини ўтказишади.
