«Chelsi» hujumchisi Joao Pedro — «Barselona»ning potensial transfer maqsadlaridan biri.

Turli manbalarning xabar berishicha, Kataloniya grandi braziliyalik futbolchini Madridning «Atletiko» klubi a’zosi Xulian Alvares bo‘yicha muzokaralar muvaffaqiyatsiz yakunlangan taqdirda muqobil variant sifatida ko‘rmoqda. ESPN Brasil ma’lumotlariga ko‘ra, «ko‘k-anorranglilar» vakillari allaqachon Pedro bilan bog‘lanishgan, biroq «Chelsi» kelayotgan yozda forvard bilan xayrlashish niyatida emas. Futbolchining o‘zi ham hozircha transfer haqida o‘ylamayapti — u bor e’tiborini mavsumning yakuniy o‘yinlariga qaratgan.

Joao Pedro o‘tgan yilning iyul oyida «Brayton»dan «ko‘klar» safiga qo‘shilgan edi. Transfermarkt portali bahosiga ko‘ra, 24 yoshli o‘yinchining bozor qiymati 75 million yevroni tashkil qiladi.