Ispaniyalik faxriy futbolchi Santi Kasorla o‘zining qadrdon klubi «Ovyedo»da faoliyatini tez orada yakunlashiga ishora qildi.

Ehtimol, uning bu qaroriga klubning muvaffaqiyatsiz mavsumi ham ta’sir o‘tkazishi mumkin — ayni damda «Ovyedo» La Liga turnir jadvalida so‘nggi, 20-o‘rinni egallab turibdi.

«Har bir narsaning boshlanishi va yakuni bor. Tanam "to‘xta" degan kuni faoliyatimni to‘xtataman. Ammo hayotim baribir futbol bilan bog‘liq bo‘lib qolaveradi», — deb yozdi 41 yoshli faxriy futbolchi ijtimoiy tarmoqlarda.

Eslatib o‘tamiz, ispaniyalik futbolchi ilgari Londonning «Arsenal» klubida ham to‘p tepgan. U «kanonirlar» safida 2012 yildan 2018 yilgacha faoliyat yuritgan.