«PSJ» bosh murabbiyi Luis Enrike Liga 1 doirasidagi «Loryan»ga qarshi o‘yin oldidan o‘tkazilgan matbuot anjumanida Chempionlar ligasi yarim finalidan o‘rin olgan «Bavariya»ga qarshi birinchi bahs (5:4) haqidagi salbiy fikrlarga munosabat bildirdi.
«Hayotda bo‘lgani kabi, hammaning o‘z fikri bor. Menimcha, har qanday fikrni ham hurmat qilish shart emas, chunki agar u ahmoqona (yomon) fikr bo‘lsa, uni hurmat qilishning hojati yo‘q.
Bunday futbolni yoqtiradigan insonlar bor va ular ko‘pchilikni tashkil qiladi. Men ham ulardan biriman.
Biroq ayrimlarga bunday futbol yoqmadi. Menimcha, ko‘pchilikka baribir o‘yin ma’qul keldi — eng muhimi shu», — dedi Luis Enrike.
