«ПСЖ» бош мураббийи Луис Энрике Лига 1 доирасидаги «Лорьян»га қарши ўйин олдидан ўтказилган матбуот анжуманида Чемпионлар лигаси ярим финалидан ўрин олган «Бавария»га қарши биринчи баҳс (5:4) ҳақидаги салбий фикрларга муносабат билдирди.
«Ҳаётда бўлгани каби, ҳамманинг ўз фикри бор. Менимча, ҳар қандай фикрни ҳам ҳурмат қилиш шарт эмас, чунки агар у аҳмоқона (ёмон) фикр бўлса, уни ҳурмат қилишнинг ҳожати йўқ.
Бундай футболни ёқтирадиган инсонлар бор ва улар кўпчиликни ташкил қилади. Мен ҳам улардан бириман.
Бироқ айримларга бундай футбол ёқмади. Менимча, кўпчиликка барибир ўйин маъқул келди — энг муҳими шу», — деди Луис Энрике.
