Braziliya terma jamoasi sobiq himoyachisi Kafu JCH-2026 uchun joriy etilgan yangi qoidani qo‘llab-quvvatladi. Unga ko‘ra, o‘yin paytidagi nizolar vaqtida og‘zini yopib gapirgan futbolchilar maydondan chetlatiladi.
Avvalroq «Benfika» vingeri Djanluka Prestianni Chempionlar ligasi doirasidagi o‘yinda «Real» a’zosi Vinisiusga nisbatan ishlatgan «gomofob haqoratlari» uchun 6 ta o‘yinga (shundan 3 tasi shartli) diskvalifikasiya qilingan edi. O‘sha vaziyatda Prestianni og‘zini libosi bilan yopib gapirgan.
«Bu menga ajoyib tuyulmoqda. Futbol o‘yini vaqtida jamoadoshlar, raqiblar yoki do‘stlar bilan gaplashish uchun og‘izni yopish shart emas — siz o‘zingizni aslingizcha ko‘rsatishingiz kerak», — dedi Kafu.
