Бразилия терма жамоаси собиқ ҳимоячиси Кафу ЖЧ-2026 учун жорий этилган янги қоидани қўллаб-қувватлади. Унга кўра, ўйин пайтидаги низолар вақтида оғзини ёпиб гапирган футболчилар майдондан четлатилади.
Аввалроқ «Бенфика» вингери Джанлука Престианни Чемпионлар лигаси доирасидаги ўйинда «Реал» аъзоси Винисиусга нисбатан ишлатган «гомофоб ҳақоратлари» учун 6 та ўйинга (шундан 3 таси шартли) дисквалификация қилинган эди. Ўша вазиятда Престианни оғзини либоси билан ёпиб гапирган.
«Бу менга ажойиб туюлмоқда. Футбол ўйини вақтида жамоадошлар, рақиблар ёки дўстлар билан гаплашиш учун оғизни ёпиш шарт эмас — сиз ўзингизни аслингизча кўрсатишингиз керак», — деди Кафу.
