Niderlandiya Erediviziyasining 32-turidan o‘rin olgan Amsterdamning «Ayaks» hamda Eyndxovenning PSV jamoalari o‘rtasidagi uchrashuv yakunlandi. Amsterdamdagi «Yoxan Kruiff Arena» stadionida bo‘lib o‘tgan bahsda 2:2 hisobidagi durang qayd etildi. Uchrashuvni bosh hakam Allard Lindxut boshqarib bordi.
O‘yinning ilk daqiqasidayoq Rikardo Pepi mehmonlarni oldinga olib chiqqan bo‘lsa, 11-daqiqada Anton Goei muvozanatni tikladi. 77-daqiqada Miron Boadyu PSVni yana hisobda oldinga olib chiqdi, biroq 90+2-daqiqada Mika Godts gol urib, jamoasini mag‘lubiyatdan qutqarib qoldi.
Ushbu o‘yindan so‘ng «Ayaks» 55 ochko bilan Erediviziya turnir jadvalida to‘rtinchi o‘rinda bormoqda. Muddatidan oldin chempionlikni qo‘lga kiritgan PSV esa 78 ochko bilan peshqadamlik qilmoqda.
