Нидерландия Эредивизиясининг 32-туридан ўрин олган Амстердамнинг «Аякс» ҳамда Эйндховеннинг ПСВ жамоалари ўртасидаги учрашув якунланди. Амстердамдаги «Йохан Круифф Арена» стадионида бўлиб ўтган баҳсда 2:2 ҳисобидаги дуранг қайд этилди. Учрашувни бош ҳакам Аллард Линдхут бошқариб борди.
Ўйиннинг илк дақиқасидаёқ Рикардо Пепи меҳмонларни олдинга олиб чиққан бўлса, 11-дақиқада Антон Гоэи мувозанатни тиклади. 77-дақиқада Мирон Боадю ПСВни яна ҳисобда олдинга олиб чиқди, бироқ 90+2-дақиқада Мика Годтс гол уриб, жамоасини мағлубиятдан қутқариб қолди.
Ушбу ўйиндан сўнг «Аякс» 55 очко билан Эредивизия турнир жадвалида тўртинчи ўринда бормоқда. Муддатидан олдин чемпионликни қўлга киритган ПСВ эса 78 очко билан пешқадамлик қилмоқда.
