«Barselona» hujumchisi Robert Levandovski «Osasuna» ustidan qozonilgan g‘alabadan (2:1) so‘ng jamoadoshi Markus Reshfordning manziliga maqtovlar yog‘dirdi. Uchrashuvning 81-daqiqasida aynan ingliz va polyak tandemi birinchi golni yaratishdi: vinger o‘ng qanotdan aniq uzatmani amalga oshirdi, forvard esa uni golga aylantirdi.
«Reshford to‘pni jarima maydonchasiga yetkazib berish borasida ajoyib mahoratga ega. Ba’zida hamma narsani kuch emas, balki ideal aniqlik hal qiladi va ushbu vaziyatda Markus buni qoyilmaqom tarzda uddaladi. Hujumchi sifatida ayta olamanki, bu uzatma ijrosi jihatidan juda maftunkor va men uchun ideal edi», – deya Levandovskining so‘zlarini keltirmoqda The Touchline nashri.
