«Барселона» ҳужумчиси Роберт Левандовски «Осасуна» устидан қозонилган ғалабадан (2:1) сўнг жамоадоши Маркус Рэшфорднинг манзилига мақтовлар ёғдирди. Учрашувнинг 81-дақиқасида айнан инглиз ва польяк тандеми биринчи голни яратишди: вингер ўнг қанотдан аниқ узатмани амалга оширди, форвард эса уни голга айлантирди.
«Рэшфорд тўпни жарима майдончасига етказиб бериш борасида ажойиб маҳоратга эга. Баъзида ҳамма нарсани куч эмас, балки идеал аниқлик ҳал қилади ва ушбу вазиятда Маркус буни қойилмақом тарзда уддалади. Ҳужумчи сифатида айта оламанки, бу узатма ижроси жиҳатидан жуда мафтункор ва мен учун идеал эди», – дея Левандовскининг сўзларини келтирмоқда The Touchline нашри.
