«Arsenal» hujumchisi Viktor Dyokeresh «Fulxem»ga qarshi kechgan g‘alabali o‘yin haqida o‘z fikrlarini bildirdi. Angliya chempionatining 35-turidan o‘rin olgan mazkur bahs 3:0 hisobida yakunlandi va shvesiyalik forvard dubl qayd etdi.

«Menimcha, bu yerda ham o‘yin, ham natija muhim edi. Biz uchrashuv tizginini juda yaxshi nazorat qildik. Hozirgi bosqichda biz qolgan barcha o‘yinlarda g‘alaba qozonishimiz kerak. Bugun yaxshi o‘ynab, 3 ochkoni qo‘lga kirita olishimizni ko‘rsatdik», — deya hujumchining so‘zlaridan iqtibos keltiradi Sky Sports.

«Biz maydonga doim yaxshi o‘yin ko‘rsatish va ko‘plab vaziyatlar yaratishga ishonib tushamiz. Bugun biz buni uddaladik va o‘yindan zavq oldik. Ishonishdan hech qachon to‘xtamaganmiz va to‘xtamaymiz ham. Oldinda hali o‘yinlar ko‘p, endi navbatdagisiga tayyorgarlik ko‘ramiz. Bu ajoyib hafta bo‘ldi, jamoa yaxshi natijalarga erishdi. Biz to‘g‘ri yo‘ldamiz va shu yo‘lda davom etishimiz kerak», — deya qo‘shimcha qildi futbolchi.

Ayni damda «Arsenal» 76 ochko bilan chempionatda peshqadamlik qilmoqda. «Manchester Siti» hisobida esa 80 ochko mavjud va «shaharliklar»da yana 2 ta zaxira o‘yini bor. «Fulxem» 48 ochko bilan o‘ninchi o‘rinda bormoqda.