Portugaliya terma jamoasi bosh murabbiyi Roberto Martines yulduzli hujumchi Krishtianu Ronaldu haqida o‘z fikrini bildirib o‘tdi. Mutaxassisning so‘zlariga ko‘ra, Ronaldu albatta safga chaqiriladi.
«Krishtianu Ronalduning Portugaliya terma jamoasidagi ishtiroki, hatto 41 yoshida ham muhokama qilinmaydi. Men har kuni ertalab o‘z mahoratini oshirishga bunchalik kuchli ishtiyoq bilan yondashadigan boshqa o‘yinchi bilan hech qachon ishlamaganman», — deya Martinesning so‘zlarini keltiradi The Touchline nashri.
Shu yozda Portugaliya terma jamoasi Jahon chempionatida ishtirok etadi. Mundialning guruh bosqichida Roberto Martines shogirdlari Kongo DR, O‘zbekiston va Kolumbiya terma jamoalariga qarshi bahs olib borishadi.













