Angliya chempionatining 35-turida «Manchester Yunayted» «Liverpul»dan ustun keldi. Ma’lum bo‘lishicha, «mankunianliklar» joriy mavsumda raqiblarini ikkinchi bor mag‘lub etishdi — birinchi davrada «Enfild»da kechgan bahsda ham 2:1 hisobida zafar quchishgan edi.
Shu tariqa, «Manchester Yunayted» APL doirasida mavsumdagi har ikki o‘yinda ham «Liverpul»ni mag‘lub etishga erishdi. Bunday natija oxirgi marta «Lester» triumf bilan yakunlagan o‘sha mashhur 2015/2016 yilgi mavsumda qayd etilgan edi. O‘shanda Lui van Gal boshqaruvidagi «qizil iblislar» raqiblarini 3:1 va 1:0 hisoblarida mag‘lub etib, mavsumni beshinchi o‘rinda yakunlashgan. Yurgen Klopp qo‘l ostidagi ilk yilini o‘tkazayotgan «Liverpul» esa o‘sha chempionatda bor-yo‘g‘i sakkizinchi pog‘onani egallagan edi.
