Англия чемпионатининг 35-турида «Манчестер Юнайтед» «Ливерпуль»дан устун келди. Маълум бўлишича, «манкунианликлар» жорий мавсумда рақибларини иккинчи бор мағлуб этишди — биринчи даврада «Энфилд»да кечган баҳсда ҳам 2:1 ҳисобида зафар қучишган эди.
Шу тариқа, «Манчестер Юнайтед» АПЛ доирасида мавсумдаги ҳар икки ўйинда ҳам «Ливерпуль»ни мағлуб этишга эришди. Бундай натижа охирги марта «Лестер» триумф билан якунлаган ўша машҳур 2015/2016 йилги мавсумда қайд этилган эди. Ўшанда Луи ван Гал бошқарувидаги «қизил иблислар» рақибларини 3:1 ва 1:0 ҳисобларида мағлуб этиб, мавсумни бешинчи ўринда якунлашган. Юрген Клопп қўл остидаги илк йилини ўтказаётган «Ливерпуль» эса ўша чемпионатда бор-йўғи саккизинчи поғонани эгаллаган эди.
