Marselino Toral joriy mavsum yakunida «Vilyarreal»dagi faoliyatini yakunlaydi. Bu haqda Ispaniya klubining rasmiy saytida xabar berildi.
Murabbiyning klub bilan amaldagi shartnomasi 2026 yilning yoziga qadar mo‘ljallangan bo‘lib, u uzaytirilmaydigan bo‘ldi. Marselino «Vilyarreal»ga 2023 yilning kuzida qaytgan edi. Bungacha u 2013 yildan 2016 yilgacha bo‘lgan davrda ham jamoa bilan ishlagan.
Eslatib o‘tamiz, 2 may kuni Toral shogirdlari o‘z uyida «Levante»ni 5:1 hisobida mag‘lubiyatga uchratgan edi. Ispaniya chempionatining 34 turidan so‘ng jamoa 68 ochko bilan turnir jadvalida uchinchi o‘rinni egallab turibdi. Navbatdagi 35-turda «Vilyarreal» 10 may kuni safarda «Malyorka»ga qarshi maydonga tushadi.
