Марселино Тораль жорий мавсум якунида «Вильярреал»даги фаолиятини якунлайди. Бу ҳақда Испания клубининг расмий сайтида хабар берилди.

Мураббийнинг клуб билан амалдаги шартномаси 2026 йилнинг ёзига қадар мўлжалланган бўлиб, у узайтирилмайдиган бўлди. Марселино «Вильярреал»га 2023 йилнинг кузида қайтган эди. Бунгача у 2013 йилдан 2016 йилгача бўлган даврда ҳам жамоа билан ишлаган.

Эслатиб ўтамиз, 2 май куни Тораль шогирдлари ўз уйида «Леванте»ни 5:1 ҳисобида мағлубиятга учратган эди. Испания чемпионатининг 34 туридан сўнг жамоа 68 очко билан турнир жадвалида учинчи ўринни эгаллаб турибди. Навбатдаги 35-турда «Вильярреал» 10 май куни сафарда «Мальорка»га қарши майдонга тушади.