«Liverpul» klubi «Tottenxem»ning muhim o‘yinchilaridan birini sotib olish yo‘lida rekord darajadagi mablag‘ sarflashga tayyorlanmoqda.
Fichajes nashrining xabar berishicha, mersisaydliklar sport rahbariyati «shporlar» markaziy himoyachisi Miki van de Ven uchun 82 million funt sterling (95 million yevro) taklif qilmoqda. Niderlandiyalik futbolchi «Liverpul»ning yozgi transfer oynasi uchun asosiy maqsadiga aylangan.
Agar ushbu transfer amalga oshsa, futbol tarixida himoyachi uchun to‘langan eng yuqori narx bo‘yicha rekord yangilanishi mumkin. Hozirgi rekord 2019 yilning avgustida Xarri Maguayrning «Lester»dan «Manchester Yunayted»ga 80 million funt evaziga o‘tishi bilan bog‘liq bo‘lib turibdi.
Ma’lumot uchun, Miki van de Ven joriy mavsumda «Tottenxem» safida barcha musobaqalarda 42 ta o‘yinda maydonga tushib, 7 ta gol va bitta golli uzatmani amalga oshirdi. Transfermarkt portali futbolchining bozor qiymatini 65 million yevroga baholagan.
