«Liverpul»ning braziliyalik darvozaboni Alisson Beker Italiya chempionatiga qaytishi mumkin. Bu haqda Sky Sports jurnalistlari xabar bermoqda.
Manbaning ma’lum qilishicha, Turinning «Yuventus» klubi tajribali posbonga jiddiy qiziqish bildirmoqda. «Keksa sinyora» braziliyalik darvozabonni yozgi transfer oynasi uchun asosiy maqsad sifatida belgilab olgan.
Alisson mersisaydliklar safida 2018 yilning yozidan buyon to‘p surib kelmoqda. Tomonlar o‘rtasidagi amaldagi mehnat shartnomasi 2027 yilning iyun oyi oxirigacha amal qiladi. Uning bozor qiymati 17 million yevroga baholanmoqda. APLning joriy mavsumida 33 yoshli braziliyalik 25 ta o‘yinda maydonga tushib, o‘z darvozasidan 30 ta to‘p olib chiqdi.
