«Ливерпуль»нинг бразилиялик дарвозабони Алиссон Бекер Италия чемпионатига қайтиши мумкин. Бу ҳақда Sky Sports журналистлари хабар бермоқда.

Манбанинг маълум қилишича, Туриннинг «Ювентус» клуби тажрибали посбонга жиддий қизиқиш билдирмоқда. «Кекса синьора» бразилиялик дарвозабонни ёзги трансфер ойнаси учун асосий мақсад сифатида белгилаб олган.

Алиссон мерсисайдликлар сафида 2018 йилнинг ёзидан буён тўп суриб келмоқда. Томонлар ўртасидаги амалдаги меҳнат шартномаси 2027 йилнинг июнь ойи охиригача амал қилади. Унинг бозор қиймати 17 миллион еврога баҳоланмоқда. АПЛнинг жорий мавсумида 33 ёшли бразилиялик 25 та ўйинда майдонга тушиб, ўз дарвозасидан 30 та тўп олиб чиқди.