«Manchester Siti» ustozi Xosep Gvardiola aprel oyi yakunlariga ko‘ra Angliya Premyer-ligasining eng yaxshi murabbiyi deb topildi. Qayd etish joizki, bu Gvardiola uchun APLdagi faoliyati davomidagi 13-sovrin bo‘ldi.
Faqat ikki murabbiy undan ko‘proq bunday mukofotga ega chiqqan va ularning kimligini topish qiyin emas. Gap ilgari «Arsenal» va «Manchester Yunayted» klublarida ishlagan Arsen Venger va Aleks Fergyuson haqida ketmoqda. Venger 15 marta, Fergyuson esa 27 marta APLda oyning eng yaxshi murabbiyi deb tan olingan.
Xosep Gvardiolaning «Manchester Siti» bilan amaldagi shartnomasi 2027 yilning o‘rtalarigacha mo‘ljallangan. Biroq mutaxassis shu yozdayoq klubni tark etishi mumkinligi haqida xabarlar tarqalmoqda.
