«Манчестер Сити» устози Хосеп Гвардиола апрель ойи якунларига кўра Англия Премьер-лигасининг энг яхши мураббийи деб топилди. Қайд этиш жоизки, бу Гвардиола учун АПЛдаги фаолияти давомидаги 13-соврин бўлди.
Фақат икки мураббий ундан кўпроқ бундай мукофотга эга чиққан ва уларнинг кимлигини топиш қийин эмас. Гап илгари «Арсенал» ва «Манчестер Юнайтед» клубларида ишлаган Арсен Венгер ва Алекс Фергюсон ҳақида кетмоқда. Венгер 15 марта, Фергюсон эса 27 марта АПЛда ойнинг энг яхши мураббийи деб тан олинган.
Хосеп Гвардиоланинг «Манчестер Сити» билан амалдаги шартномаси 2027 йилнинг ўрталаригача мўлжалланган. Бироқ мутахассис шу ёздаёқ клубни тарк этиши мумкинлиги ҳақида хабарлар тарқалмоқда.
