Tijani Reynders bilan bog‘liq vaziyat Italiya va Angliya chempionatlari saviyasi o‘rtasidagi farqni yaqqol ko‘rsatib bermoqda. U A Seriyaning eng zo‘r o‘yinchilaridan biri bo‘lgan bo‘lsa-da, bir mavsum ichida «Manchester Siti»ga kerak bo‘lmay qolgan o‘rtamiyona futbolchiga aylandi.

Reyndersda Angliya chempionatida qolish variantlari bor, ammo Italiyaga qaytish bo‘yicha ham takliflar mavjud. Avvalroq bunday ssenariy Turinning «Yuventus» klubi bilan bog‘liq holda aytilgan edi, biroq pianetamilan.it nashrining xabar berishicha, Reyndersning «Milan»ga qaytishi yanada haqiqatga yaqinroq ko‘rinmoqda.

Odatdagidek, asosiy muammo transfer narxi bo‘lishi mumkin. Hozirgi klubidagi unchalik muvaffaqiyatli bo‘lmagan o‘yinlariga qaramay, Reyndersning bahosi yuqori 60 million yevroga baholanmoqda. «Milan» esa odatda futbolchilar uchun bunchalik katta mablag‘ sarflamaydi.