Germaniya Bundesligasining 33-turi doirasida chempionlikni naqd qilib bo‘lgan «Bavariya» safarda «Volfsburg» mehmoni bo‘ldi. Uchrashuv myunxenliklarning 1:0 hisobidagi g‘alabasi bilan yakunlandi.
O‘yinning 56-daqiqasida Maykl Olise tomonidan kiritilgan gol bahs taqdirini hal qildi. Birinchi bo‘limda Myunxen klubi hujumchisi Xarri Keyn penaltidan unumli foydalana olmagan edi.
Ushbu g‘alabadan so‘ng «Bavariya» ochkolari sonini 86 taga yetkazib oldi. «Volfsburg» esa 26 ochko bilan turnir jadvalida 16-o‘rinda qoldi.
Bu mag‘lubiyat «bo‘rilar» uchun juda ayanchli yakunlandi: jamoa 1997 yildan buyon ilk bor Bundesligani tark etadigan bo‘ldi. Ma’lumot uchun, «Volfsburg» ushbu davr mobaynida bir marta — 2008/09 yilgi mavsumda mamlakat chempioni bo‘lishga erishgan edi.
«VOLFSBURG» — «BAVARIYA» — 0:1
Gol: Maykl Olise 56 (0:1).
Amalga oshirilmagan penalti: Harri Keyn 36 (darvozabon).
«Volfsburg»: Grabara, Vavro, Kuliyerakis, Belosyan, Souza (Gerxardt, 74), Eriksen (Mayer, 66), Vimmer (Svanberg, 66), Mele, Kumbedi (Lindstrem, 90), Dagim (Siogai, 74), Peychinovich.
«Bavariya»: Urbig, Kim Min Dje (Upamekano, 46), Ito (Ta, 84), Bishof, Stanishich, Kimmix, Goreska (Laymer, 46), Musiala (Karl, 76), Djekson (Dias, 58), Olise, Keyn.
Ogohlantirish: Siogai (90).
