Fransiyaning «Lill» klubi hujumchisi Matias Fernandes-Pardo «Manchester Siti» qiziqishlari doirasiga tushdi. Bu haqda taniqli jurnalist Ekrem Konur xabar bermoqda.
Manbaning ta’kidlashicha, «shaharliklar» 21 yoshli hujumchining vakillari bilan ilk muzokaralarni o‘tkazib ulgurgan. Bundan tashqari, ingliz grandi «Lill» rahbariyati bilan ham bog‘langan bo‘lib, fransuz klubi o‘z iqtidori uchun 60 million yevro miqdorida narx belgilagan.
Yosh ispaniyalik futbolchining faoliyatini «Manchester Siti»dan tashqari Madridning «Atletiko» hamda Londonning «Arsenal» klublari ham sinchkovlik bilan kuzatib bormoqda.
Ma’lumot uchun, Fernandes-Pardo joriy mavsumda barcha musobaqalarda 39 ta o‘yinda maydonga tushib, 8 ta gol va 7 ta golli uzatmaga mualliflik qildi. Uning «Lill» bilan amaldagi shartnomasi 2029 yilning yoziga qadar mo‘ljallangan.
