Myunxenning «Bavariya» klubi hujumchisi Harri Keyn yaqin orada jamoadagi kelajagi borasida bir qarorga keladi. Insayder Nikola Skiraning xabar berishicha, angliyalik to‘purar may oyi oxirida klub rahbariyatiga yakuniy javobini aytadi.
Myunxenliklar 32 yoshli hujumchiga amaldagi shartnomani 2028 yilgacha uzaytirishni taklif qilgan. Yangi kelishuvda shartnomani yana bir mavsumga uzaytirish bandi ham ko‘zda tutilgan. Keynning amaldagi shartnomasi 2027 yilning yoziga qadar amal qiladi.
Ma’lumot uchun, Harri Keyn 2023 yildan buyon «Bavariya» sharafini himoya qilib kelmoqda. Joriy mavsumda hujumchi barcha musobaqalarda 49 ta o‘yinda maydonga tushib, raqiblar darvozasini 55 bor ishg‘ol qildi va 7 ta golli uzatmani amalga oshirdi.
