Fransiyaning «PSJ» klubi prezidenti Nasser Al-Helayfiy jamoaning barcha xodimlarini Chempionlar ligasi final uchrashuviga taklif etdi. Bu haqda L’Equipe nashri xabar bermoqda.

Joriy mavsumning eng muhim o‘yini 30 may kuni Budapeshtda bo‘lib o‘tadi. Unda parijliklar Londonning «Arsenal» jamoasiga qarshi maydonga tushishadi.

Qayd etilishicha, klub rahbariyati bunday tashabbusni o‘tgan yili ham amalga oshirgan edi. Myunxenda o‘tgan o‘tgan mavsumdagi finalga «PSJ»ning 500 ga yaqin xodimi tashrif buyurgan. Eslatib o‘tamiz, o‘sha bahsda Parij klubi Milanning «Inter» jamoasini 5:0 hisobida mag‘lub etib, bosh sovringa ega chiqqan edi.